منتدى سعير
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الشاعر عباس جيجان يرثي الشهيد صدام حسين

2 مشترك

اذهب الى الأسفل

الشاعر عباس جيجان يرثي الشهيد صدام حسين Empty الشاعر عباس جيجان يرثي الشهيد صدام حسين

مُساهمة من طرف أبو عمرو 7/12/2007, 21:50

قصيدة شعبية للشاعر البصري عباس جيجان... يرثي بها سيد الشهداء وابو الشهداء الرئيس صدام حسين
7/12/2007
ويه الفجر
يوم العيد
وي نحر النحور
صدام قدم للوطن روحه
إجه مثل ألأسد مجروح
يمشي وتضحك جروحه
هم شايف جبل ينكاد
وإذا شفت الجبل مكيود
تلكه العله بسفوحه
مثل النخل مات وكوف
شاخص شامخه صروحه
لك لو هيجي الرجال تموت
لو غم الرجال بموت ماصخ مابه ملوحه
بجيت وما بجيت عليك
بجيت على الزمان الضمك بلوحه
بجى حتى الفرات عليك
ونهر دجله إنتحر موحه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه


رغد يا رغد لا تبجين
بس دمعة حزن للزين مسموحه
أبوج ألكتب إسمه بجبهة التاريخ
كعبه الوطن عنده وعاليه سطوحه
الزمن يشهد لأبو ألليثيت
ولو آنه شهادتي بصدام مجروحه
ما دنك براسه وإنحنى للجلاد
رغم سلسلوا رجله وشدوا جفوفه
رفض يلبس نكاب الموت
وضحك على الموت سنه وعيننه تشوفه
عجل والله يتباهى يسجل التاريخ
عنه وتكتب حروفه
مو حبل العلى الركبه طلع ملفوف
ركبه على الحبل طلعت الملفوفه
إذا ًحقها العرب تحزن عليه وتنوح
وكع خيالها والشمس مكسوفه
من زغره عجيد عنيد وضد الأستعمار
ابوج الوصل سابع جار معروفه
وإذا البصره حزنت مصباح يوم العيد
يم تكريت طلعت تلطم الكوفه
وإجت نينوى محنية ظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد اصبحت مجتوفه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه
الشاعر الشعبي عباس جيجان
أبو عمرو
أبو عمرو
مشرف عام
مشرف عام

ذكر
عدد الرسائل : 793
العمر : 45
الموقع : http://www.saeer.yoo7.com
تاريخ التسجيل : 19/11/2007

http://www.saeer.yoo7.com

الرجوع الى أعلى الصفحة اذهب الى الأسفل

الشاعر عباس جيجان يرثي الشهيد صدام حسين Empty رد: الشاعر عباس جيجان يرثي الشهيد صدام حسين

مُساهمة من طرف توفيق طروه 9/12/2007, 23:48

شكرا على هالقصيده الجميله

توفيق طروه
عضو جديد

عدد الرسائل : 16
تاريخ التسجيل : 22/11/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى